Ես

Իմ աչքերը շագանակագույն են,  ես բարձրահասակ եմ, իմ մազերը շագանակագույն են, քիթս մեծ է, աչքերս մեծ են, բերանս փոքր է, ականջներս մեծ են:  Իմ սիրած սպորտաձևը ֆուտբոլն է: Բարի եմ, խելացի և լսող:

Աշոտ Փանոսյան

Ես ունեմ սև մազեր, շագանակագույն աչքեր, բարձրահասակ եմ, քիթս մեծ է, ունեմ ոտքեր, ձեռքեր, բերան, եղունգներ, մատներ, ոտքի մատներ: Իմ աչքերն ու ականջները մեծ են: Սիրում եմ ֆուտբոլ խաղալ;

Մանուկ Կարապետյան

Իմ մազերն ու ունքերը սև են,  աչքերս շագանակագույն են, ականջներս փոքր են, վիզս երկար է: Ես բաց մարմնագույն եմ, բարձրահասակ, ունեմ երկար ոտքեր:

Կարեն Ասլանյան

Իմ ընտանիքը. ինքնապատումների շարք

Ես Արթուր Զալինյանն եմ: Իմ ընտանիքը մեծ է, մեր ընտանիքի անդամներն են` մայրիկս, հայրիկս և երկու եղբայրներս: Մեր ընտանիքը շատ լավ ընտանիք է, շատ հետաքրքիր: Իմ ընտանիքում ինձ շատ են սիրում, ես էլ իրենց եմ սիրում: Մենք ապրում ենք սեփական տանը, մեր տունը մեծ է, երեք հարկանի է, Դավթաշենում: Ես պահում եմ շուն, իմ շան անունն է Ցեզր:

Արթուր Զալինյան

Ես Եվան եմ: Ես ապրում եմ Կայարանում: Իմ ընտանիքում ապրում ենք յոթ հոգով՝ մայրիկս, հայրիկս, տատիկս, պապիկս, քույրիկս, հորաքույրս: Իմ ընտանիքն ուրախ է, երջանիկ ու հաջողակ է:

Եվա Բալյան

Ես. ուսումնական նախագիծ

Մասնակիցներ՝ 3-րդ դասարանցիներ

Նպատակը՝ Սովորողների ինքնաճանաչման միջոցով նպաստել միջավայրի ադապտացմանը /յուրացմանը/, անհրաժեշտ փոխհարաբերությունների /սովորող-սովորողներ, սովորող-ուսուցիչ/ հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: 

Խնդիրները`

• Բանավոր խոսքի զարգացում /սովորողի ինքնարտահայտման պահանջմունքի բավարարում/
• Գրավոր ճիշտ, գրագետ խոսքի կարողությունների զարգացում
• Մեդիահմտությունների կիրառում և զարգացում
• Ընթերցելու որակական հատկանիշների բարելավում /կարդացածը հասկանալ/
• Տեխնոլոգիական հմտությունների զարգացում
• Հաղորդակցական հմտությունների զարգացում
• Համագործակցային հմտությունների զարգացում
• Ստեղծագործական երևակայության զարգացում

Միջավայրը՝ դասասենյակ, բակ-պարտեզ, մարմնամարզական դահլիճ, տուն /ընտանիք/, մեդիատիրույթ /բլոգ, ենթակայք, կայք/:

Անհրաժեշտ գործիքները՝ անհատական նեթբուք-նոթբուք-պլանշետ, ձայնագրիչ, տեսախցիկ, համակարգչային ծրագրեր /Paint, Smart էլեկտրոնային գրատախտակ, MS Word, MS PowerPoint, Movie Maker/, թղթեր /գունավոր, տարբեր հաստության ու չափի/, գուաշ, ջրաներկ, վրձին, կավ, պլաստելին:

Ուսումնական գրականության, այլ ռեսուրսների ցանկ

• Սովորողների ինքնապատումներ
• Աթաբեկ Խնկոյան «Ես»
• Աթաբեկ Խնկոյան «Չալ կաչաղակը»
• Ղազարոս Աղայան «Մանուշակը»
• Աթաբեկ Խնկոյան «Խխունջն ու սունկը»

• Երաժշտական /պարային/ ստեղծագործությունների ցանկ
• Կրթահամալիրի հիմն՝ Անդաստան
• Արև, արև, ե՛կ, ե՛կ
• Արև, արև, դուրս արի
• Խնոցի
• Կաքավի երգը
• Թամզարա
• Ծաղկաձորի
• Էջմիածնի
• այլ /ուսումնական ֆիլմ, մուլտֆիլմ, տեսանյութ, տեսադաս…/
• Ազգային, բակային խաղեր

Հիմնական թեմաները՝

• Ես
• Իմ խաղալիքը /տիկնիկը/
• Իմ ընտանիքը
• Իմ անունը
• Իմ բակը, քաղաքը /գյուղը/, երկիրը

Գործունեության ձևեր՝

Մայրենի լեզու

• Պատմել /գրավոր/ իր, իր ընտանիքի մասին՝ հաղորդելով կոնկրետ տվյալներ
• Մի քանի բառով նկարագրել ու բնութագրել իրեն ու մյուսներին
• Կարդալ, հասկանալ պատմությունը
• Հարցերի միջոցով անհրաժեշտ ինֆորմացիա հավաքել տվյալ թեմայի վերաբերյալ
• Գրական ստեղծագործություններ ընթերցել, քննարկել

ՏՀՏ

• Աշխատում է Paint ծրագրով /նկարում է իրեն/: Աշխատանքին անուն է դնում, պահպանում է և էլեկտրոնային փոստի միջոցով ուղարկում
• Աշխատում է Word ծրագրով: Մուտքագրում է տեքստը, անուն դնելով՝ պահպանում է  և էլեկտրոնային փոստի միջոցով ուղարկում
• Աշխատում է PowerPoint ծրագրով: Մուտքագրում է, լուսանկար է տեղադրում, նոր սլայդեր է բացում:

Կերպարվեստ, տեխնոլոգիա

• Ստեղծում է ինքնանկար /ջրաներկով, գուաշով/

Նախագծի արդյունքում՝

Բոլոր աշխատանքները հրապարակվում են դասարանական-անհատական բլոգներում՝

• Խոսում է իմ տիկնիկը /մեդիապատումների շարք/
• Ես՝ իմ մասին  /ինքնապատումների շարք/
• Իմ ընտանիքը  /ինքնապատումների շարք/
• Իմ անունը  /անվանակոչման ու անվան ծագման պատմություններ/