Համբարձման ծեսը Զովասար գյուղում

Հյուսիսային դպրոցի 1-3-րդ դասարանների սովորողները և դասավանդողները Արագածոտնի մարզի Զովասար գյուղում տոնեցին Համբարձման ծեսը: Ծեսին մեզ էր միացել մեր գործընկեր Լուսինեե Բադալյանը` Ագարակավան գյուղի դպրոցի 4-րդ դասարանի սովորողների հետ:

Տեսանյութը՝ Հասմիկ Մաթևոսյանի

Advertisements

Ճամփորդություն դեպի Արագածոտնի մարզ, Զովասար գյուղ

Այսօր Հյուսիսային դպրոցի 1-3-րդ դասարանցիներն Արագածոտնի մարզի Զովասար գյուղում էին: Հանդիպեցինք  Արագածոտնի մարզի Թալինի տարածաշրջանի Ագարակավան գյուղի դպրոցի 4-րդ դասարանի դասվար, կրթահամալիրում ապրիլ ամսին վերապատրաստված  Լուսինե Բադալյանի և 4-րդ դասարանի սովորողների հետ եւ միասին իրականացրեցինք համագործակցային նախագիծ՝ ամփոփելով Համբարձման ծեսը:

Տեսանյութը՝ Սեդա Վիրաբյանի

Համբարձման ծեսը Զովասարում

Պատմում են սովորողները.

Ես հիացա մեծ սարերով, ծաղիկներով:  Ամենազարմանալին էլ այն էր, որ երբ մենք կանգ առանք Ագարակի քարափում, ես իմացա, որ այտտեղ մարդիկ են ապրել:

Արթուր Զալինյան

Մենք այսօր գնացինք Արագածոտնի մարզ, Թալինի տարածաշրջան, Զովասար գյուղ: Ինձ ամենաշատը դուր եկավ ծաղկեփնջեր հավաքելը: Մենք այնտեղ երգեցինք Համբարձման երգեր:

Ռաֆայել Խեչոյան

Ես Զովասարում հավանեցի ծաղիկները, լիճը: Մենք հյուսեցինք ծաղկեպսակներ, խաղացինք Համբարձման խաղեր,

տոնեցինք Համբարձման ծեսը:

Աշոտ Փանոսյան

Մենք գնացել էինք Զովասար, ինձ շատ դուր եկավ եկեղեցին: Մենք Համբարձման երգեր երգեցինք, պարեցինք, Համբարձման խաղեր խաղացինք:

Էրիկ Հովհաննիսյան

Մենք գնացել էինք Արագածոտնի մարզ, Զովասար գյուղ: Ճանապարհին շատ հետաքրքիր էր, ես ցուլ, ոչխարներ ու կովեր տեսա: Բնության գրկում նշեցինք Համբարձման տոնը, երգեցինք, պարեցինք ու խաղացինք: Շատ ուրախ օր էր:

Արամ Սարքիսսյան

Ինձ շատ դուր եկավ մեր ճամփորդությունը՝ հատկապես լիճը: Մենք ծաղիկներ հավաքեցինք, հեռադիտակով դիտեցինք լիճը: Ես առաջին անգամ էի Թալինում և այնտեղ ինձ շատ դուր եկավ:

Մանուկ Կարապետյան

Այսօր մեր դպրոցի 1-3 դասարանների սովորողներով ուղևորվեցինք ճամփորդության դեպի Թալինի Զովասար գյուղ: Հասնելով այնտեղ մենք նախաճաշեցինք, հետո գնացինք Ամենափրկիչ եկեղեցին, որտեղ հնչեցրինք զանգը: Այնուհետև դաշտում հավաքեցինք յոթ տեսակի ծաղիկներ և Համբարձման տոնի ծաղկեպսակ հյուսեցինք: Զովասարում անցկացրեցինք հետաքրքիր ժամանակ, երգեցինք Համբարձան տոնի երգեր և պարեցինք պարեր: Ուրախ և տոնական տրամադրությամբ վերադարձանք Երևան: Ես ոգևորությամբ ծնողներս պատմեցի մեր անցկացրած ճամբորդության և Համբարձման տոնի մասին:

Դանիել Մարկոսյան

Ինձ զարմանալի էր, թե ոնց էին պսակներ հյուսում, ոնց էին մեծ փնջով ծաղիկներ հավաքում: Ինձ դուր եկավ լիճը։

Կարեն Ասլանյան

Համբարձման ծես. մասնակցություն ֆլեշմոբին

Հրանտ Այդինյանը մասնակցում է առաջին դասարանցիների կողմից առաջարկված Համբարձման ծես ֆլեշմոբին.

 

Համբարձման ծես. մասնակցություն ֆլեշմոբին

Էրիկ Հովհաննիսյանը մասնակցում է առաջին դասարանցիների կողմից առաջարկված Համբարձման ծես ֆլեշմոբին.

Համբարձման ծես. մասնակցություն ֆլեշմոբին

Ռաֆայել Խեչոյանը մասնակցում է առաջին դասարանցիների կողմից առաջարկված Համբարձման ծես ֆլեշմոբին.

Համբարձման ծես. մասնակցություն ֆլեշմոբին

Դանիել Մարկոսյանը մասնակցում է առաջին դասարանցիների կողմից առաջարկված Համբարձման ծես ֆլեշմոբին.

Համբարձման տոն

Հարցազրույց տատիկիս հետ

Հարցազրույցը վարեց` Անահիտ Երեմյանը

Համբարձման տոն

Պատմում է Աշոտ Փանոսյանի մայրիկը՝ Արփինեն

Վիճակը հանելու մանիներ

Տեսեք վիճակն ինչ կուզի,
Ջա՜ն, ծաղիկ, ջա՜ն, ջա՜ն,
Սրտի ուզածըն ինչ ի,
Ջա՜ն, վիճակ, ջա՜ն, ջա՜ն

Սարերով ցորեն կուզի,
Ջա՜ն, ծաղիկ, ջա՜ն, ջա՜ն,
Արտերով գարի կուզի,
Ջա՜ն, վիճակ, ջա՜ն, ջա՜ն:

Մեր վիճակը ինչ կուզի,
Ջա՜ն, ծաղիկ, ջա՜ն, ջա՜ն,
Օսկի մատանի կուզի,
Ջա՜ն, վիճակ, ջա՜ն, ջա՜ն:

Վիճակ, վիճակ դուս էլավ,
Ջա՜ն, ծաղիկ, ջա՜ն, ջա՜ն,
Էս ինչ բարի բախտ ելավ,
Ջա՜ն, վիճակ, ջա՜ն, ջա՜ն:

Վիճկի վրեն լուս էլավ,
Ջա՜ն, ծաղիկ, ջա՜ն, ջա՜ն,
Էս ինչ սիրուն բախտ ելավ,
Ջա՜ն, վիճակ, ջա՜ն, ջա՜ն:

Վիճակ, վիճակ դուս էլավ,
Ջա՜ն, ծաղիկ, ջա՜ն, ջա՜ն,
Վիճկի վրեն լուս էլավ,
Ջա՜ն, վիճակ, ջա՜ն, ջա՜ն: