18 Չորեքշաբթի Ապր 2018
Posted in Շախմատ
Ապրիլի 18-ին տեղափոխվում ենք Հյուսիսային դպրոց։
Երրորդ կանգառը՝ Հյուսիսային դպրոց։
Խաղերի սկիզբը՝ 12։00-ին։
Վայրը՝ դպրոցի տանիք։
Մասնակիցները՝ ներդասարանական մրցաշարերում բարձր միավորներ վաստակած սովորողներ:
16 Երկուշաբթի Ապր 2018
Posted in Շախմատ
Ապրիլի 16-20-ը կրթահամալիրում կանցկացվի շախմատի գարնանային բացօթյա մրցաշար-ստուգատեսը։
Ապրիլի 16 – Արևելյան դպրոց – 11:00-13:30
Ապրիլի 17 – Հարավային դպրոց – 12:00-13:30
Ապրիլի 18 – Հյուսիսային դպրոց – 12:30-13:30
Ապրիլի 19 – Արևմտյան դպրոց – 11:00-13:30
Ապրիլի 20 – Մեդիակենտրոն – 13:30-15:30
Մրցաշարին կմասնակցեն ներդասարանական մրցաշարերին լավագույն արդյունքներ ցույց տված աշակերտները։ Ընտրական փուլը կանցկացվի կրտսեր դպրոցներում, իսկ եզրափակիչը՝ մեդիակենտրոնում, որտեղ ամեն դպրոցից կմասնակցի 8 սովորող՝ 6 տղա և 2 աղջիկ։ Արդյունքում լավագույն արդյունքներ ցույց տված սովորողները կմասնակցեն նաև կարգային մրցաշարերին:
11 Հինգշաբթի Մյս 2017
Posted in Մայիսյան հավաք, Շախմատ
Համագործակցային ուսուցում. շախմատի մրցաշար
Մասնակիցներ` Հյուսիսային և Արևմտյան դպրոցների 1-ին դասարանցիներ
Մայիսյան հավաքի երկրորդ օրը Հյուսիսային դպրոցի 1-ին դասարանցիները քայլքով հասան Արևմտյան դպրոց: Ընկեր-հասակակիցների հետ շախմատ խաղալու ցանկությունն այնքան մեծ էր, որ նույնիսկ անձրևը մեզ չխանգարեց:
Շախմատ խաղալուց բացի ծանոթացանք, իրար ճանաչեցինք ու ընկերացանք:
25 Երեքշաբթի Ապր 2017
Posted in Շախմատ
Շախմատ խաղալիս ամենահավեսն այն է, որ ընկերներս են խաղալ սովորեցնում: Այնքան լավ է, հավես ու հետաքրքիր:
02 Հինգշաբթի Փտր 2017
Posted in Շախմատ, Դասվարի օրագիր, Դավիթ Հովհաննիսյան
Դավթի մասնակցությունն ուրախալի է, հաճելի: Շախմատը հետաքրքրում է նրան, ուզում է հիշել, մտապահել: Սպիտակ խաղաքար է ցույց տալիս, ասում է.
-Ընկեր Կարինե, մանուշագույն է, չէ՞:
Ասում եմ.
-Դավիթ ջան, հաստա՞տ, ուշադիր նայիր:
-Ես որ ասում եմ, ուրեմն ճիշտ է, լսեցի՞ր,-բարկանում է,- իսկ մյուսը՝ կապույտ է /ցույց է տալիս սև խաղաքար/: Ես շախմատի գույները փոխել եմ, իմ սիրած գույներն եմ դրել: Լավ եմ արել, չէ՞:
Քո գույները միշտ պայծառ են, ի’մ Դավիթ:
Այնքան եմ կարևորում Դավթի գոյությունը, ներկայությունն իմ կյանքում, իմ օրվա մեջ: Ամեն օր Դավթի լույսը հետս տուն եմ տանում:
11 Չորեքշաբթի Հնվ 2017
Սիրով ենք արթնանում, ճամբար վազում. չէ՞ որ տանն անելիք չկա, իսկ էստեղ մեկը մյուսից գրավիչ, հավես աշխատանքներ:
Ճամբարային ամենօրյա, տոնական ընդհանուր պարապմունքը բոլորիս ուրախ տրամադրություն է փոխանցում ու ոգևորված գործի ենք անցնում:
Մեդիատեխնոլոգիա
Պատկերացնելը, Paint ծրագրով նկարելը, Դիջի պապիկին բնութագրելը ուսումնական-ստեղծական աշխատանք է, որը հետաքրքիր է ու ոգևորող:
Շախմատային գործունեություն
Շախմատ խաղալիս էլ մեկս մյուսին փոխանցում ենք մեր իմացածը, օգնում ենք, որ մեր ընկերը խաղա ու չվախենա պարտվել:
Թաց նկարչություն
Իսկ դուք երբևէ փորձե՞լ եք թաց թղթի վրա նկարել: Մեր աշխատանքները տեսե՛ք ու փորձե՛ք, շատ հավես է:
09 Չորեքշաբթի Նյմ 2016
07 Ուրբաթ Հկտ 2016
Posted in Շախմատ
