Տարեդարձ է այսօր

Հոգատար, բարի, ընկերասեր, մեր փափլիկ Դավիթ, շնորհավորում ենք ծննդյանդ օրը: Թող արև-ժպիտդ դեմքիդ միշտ շողա:

Սիրում ու գրկում ենք քեզ:

Advertisements

Մանկավարժական բաց ճամբար. օր 1

Նոր ուսումնական տարվա նախապատրաստություն.

• Ուսումնական բլոգներ․ ներկայացվող պահանջներ, առաջարկներ, քննարկում
• Ուսումնական  նախագծեր. ուսումնական ամառ-ամփոփում
• Սեպտեմբերյան միասնական և անհատական նախագծեր․ քննարկում

Ամառային ընթերցանություն

Ուսուցչի օրագիր.

Նպատակը 2018-2019 ուսումնական տարվա ընթացքում ավելի գործածական և տեսանելի դարձնել Ուսուցչի օրագիր բաժինը դասավանդողի բլոգում, որի կիրառման ընթացքում տեսանելի կդառնան հեղինակային կրթական ծրագրի արդյունքներն ու ձեռքբերումները, ուսուցչի գրառում-պատումները:

Աշխատանքային նախագիծ 03-07.09.2018

Ուսումնական նախագծեր՝

• Ուսումնական ամառ նախագծերի ամփոփում-ներկայացում
• Ես
• Կառուցողական խաղեր
• Լողափնյա աշուն

Սեպտեմբերի 3, երկուշաբթի

09:00-09:15՝ Առավոտյան ընդհանուր պարապմունք
9:20-10:05` Ուսումնական ամառ նախագծերի ամփոփում-ներկայացում
10:10-10:55` Ես. իմ ընտանիքը

11:00 -11:45` Կառուցողական խաղեր
11:50-12:35` Մարզական խաղեր, հեծանվավարություն
12:35-12:55` Ընդմիջում
12:55-13:35` Լողափնյա աշուն

Մանկավարժական բաց ճամբար

Օգոստոսի 21-24

09։00-09:15 Ընդհանուր պարապմունք Հյուսիսային դպրոցում

09:15-12:00

• Միջավայրի խնամք, բակային աշխատանքներ
• Միջավայրի ձևավորման նախագծեր
• Կաբինետների մաքրման աշխատանքներ՝ կաբինետների պատասխանատուներ

12։00-12։30 Ընդմիջում դպրոցներում

12։30-14։00 Աշխատանք նախագծային խմբերով. Մայր դպրոց

Երեքշաբթի, հինգշաբթի

• Դասվարներ, «Իմացումի հրճվանք» ծրագրով ուսուցչի օգնականներ. պատասխանատուներ՝  Լուսինե Փաշայան, Մանուշակ Աբրահամյան
  Ավագ դպրոց, 3-1, 3-2

14։00-14։30 Ընդհանուր պարապմունք. Մայր դպրոց, Մարմարյա սրահ

Լողափնյա աշուն

Լողուսուցումը դիտարկվում է որպես մարմնակրթության բաղկացուցիչ: Այն լողալու հիմնական հմտություններ զարգացնելուց, մարմինը կոփելուց, հոգնածությունն ու լարվածությունը թոթափելուց զատ, սովորողներին օգնում է ձեռք բերել մի շարք կարևոր հմտություններ:

Աշնան տաք օրերին շարունակելու ենք լողալ Հյուսիսային դպրոցի բացօթյա լողավազաններում: Լողալու ու խաղալու ենք ջրում` աստիճանաբար զարգացնելով լողալու հմտությունները:

Լողին նախապատրաստվելը դիտարկվում է որպես ինքնուրույնության ու ինքնասպասարկման կարևոր հմտությունների ձեռք բերման հարթակ, որտեղ սովորում են պահպանել անձնական հիգիենայի կանոնները:

Լողուսուցման փուլերն են՝

• Նախապատրաստում, որն իր մեջ ներառում է նախավարժանքն ու ցնցուղի ընդունումը
• Լողը
• Լողափին գտնվելն ու ինքնասպասարկումը:

Բացօթյա լողավազանից օգտվելու կարգ

Կառուցողական խաղեր

Նպատակը՝ սովորողների երևակայությունը, ստեղծել ուսումնական խաղեր

Ընթացքը՝ սովորողները նախապես հավաքած խցաններով ստեղծելու են ուսումնական խաղեր, հետաքրքիր կերպարներ, որոնք կկիրառվեն ուսումնական գործունեության ընթացքում։

Կառուցողական խաղերի պատրաստում.

Նպատակը

Սովորողների հետ ստեղծել կառուցողական խաղեր, որոնք բաց արվեստանոցում  կկիրառվեն նրանց կողմից:

Ընթացքը

Նախագծային շաբաթվա ընթացքում սովորողները կստեղծեն կառուցողական խաղեր տարբեր պարագաներից, որոնք կնպաստեն նրանց երևակայության զարգացմանը, ինքնադրսևորմանը:

Նմուշներ

Լողուսուցման պարապմունք

Օգոստոսի 15

Ժամը՝ 13.00

Արևմտյան դպրոց-պարտեզ. փակ լողավազան

Լողուսուցման պարապմունքը  վարում է բելգիացի, սպորտի ոլորտում սահմանափակ հնարավորություն ունեցողների սոցիալական կոնսուլտանտ, լողի և լեռնադահուկի մասնագետ Պատրիկ Մոդավեն:

Մասնակիցները՝ դասվարներ, կազմակերպիչներ, այլ

Պարապմունքի ընթացքը.

Մասնակիցները սովորում են  ճիշտ լողալ կամ զարգացնել լողի տեխնիկան։ Յուրացնում են լողուսուցման նոր մեթոդներ՝ առանձնահատուկ կարիքով սովորողների հետ աշխատելու համար:

Ես. ուսումնական նախագիծ

Մասնակիցներ՝ 3-րդ դասարանցիներ

Նպատակը՝ Սովորողների ինքնաճանաչման միջոցով նպաստել միջավայրի ադապտացմանը /յուրացմանը/, անհրաժեշտ փոխհարաբերությունների /սովորող-սովորողներ, սովորող-ուսուցիչ/ հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: 

Խնդիրները`

• Բանավոր խոսքի զարգացում /սովորողի ինքնարտահայտման պահանջմունքի բավարարում/
• Գրավոր ճիշտ, գրագետ խոսքի կարողությունների զարգացում
• Մեդիահմտությունների կիրառում և զարգացում
• Ընթերցելու որակական հատկանիշների բարելավում /կարդացածը հասկանալ/
• Տեխնոլոգիական հմտությունների զարգացում
• Հաղորդակցական հմտությունների զարգացում
• Համագործակցային հմտությունների զարգացում
• Ստեղծագործական երևակայության զարգացում

Միջավայրը՝ դասասենյակ, բակ-պարտեզ, մարմնամարզական դահլիճ, տուն /ընտանիք/, մեդիատիրույթ /բլոգ, ենթակայք, կայք/:

Անհրաժեշտ գործիքները՝ անհատական նեթբուք-նոթբուք-պլանշետ, ձայնագրիչ, տեսախցիկ, համակարգչային ծրագրեր /Paint, Smart էլեկտրոնային գրատախտակ, MS Word, MS PowerPoint, Movie Maker/, թղթեր /գունավոր, տարբեր հաստության ու չափի/, գուաշ, ջրաներկ, վրձին, կավ, պլաստելին:

Ուսումնական գրականության, այլ ռեսուրսների ցանկ

• Սովորողների ինքնապատումներ
• Աթաբեկ Խնկոյան «Ես»
• Աթաբեկ Խնկոյան «Չալ կաչաղակը»
• Ղազարոս Աղայան «Մանուշակը»
• Աթաբեկ Խնկոյան «Խխունջն ու սունկը»

• Երաժշտական /պարային/ ստեղծագործությունների ցանկ
• Կրթահամալիրի հիմն՝ Անդաստան
• Արև, արև, ե՛կ, ե՛կ
• Արև, արև, դուրս արի
• Խնոցի
• Կաքավի երգը
• Թամզարա
• Ծաղկաձորի
• Էջմիածնի
• այլ /ուսումնական ֆիլմ, մուլտֆիլմ, տեսանյութ, տեսադաս…/
• Ազգային, բակային խաղեր

Հիմնական թեմաները՝

• Ես
• Իմ խաղալիքը /տիկնիկը/
• Իմ ընտանիքը
• Իմ անունը
• Իմ բակը, քաղաքը /գյուղը/, երկիրը

Գործունեության ձևեր՝

Մայրենի լեզու

• Պատմել /գրավոր/ իր, իր ընտանիքի մասին՝ հաղորդելով կոնկրետ տվյալներ
• Մի քանի բառով նկարագրել ու բնութագրել իրեն ու մյուսներին
• Կարդալ, հասկանալ պատմությունը
• Հարցերի միջոցով անհրաժեշտ ինֆորմացիա հավաքել տվյալ թեմայի վերաբերյալ
• Գրական ստեղծագործություններ ընթերցել, քննարկել

ՏՀՏ

• Աշխատում է Paint ծրագրով /նկարում է իրեն/: Աշխատանքին անուն է դնում, պահպանում է և էլեկտրոնային փոստի միջոցով ուղարկում
• Աշխատում է Word ծրագրով: Մուտքագրում է տեքստը, անուն դնելով՝ պահպանում է  և էլեկտրոնային փոստի միջոցով ուղարկում
• Աշխատում է PowerPoint ծրագրով: Մուտքագրում է, լուսանկար է տեղադրում, նոր սլայդեր է բացում:

Կերպարվեստ, տեխնոլոգիա

• Ստեղծում է ինքնանկար /ջրաներկով, գուաշով/

Նախագծի արդյունքում՝

Բոլոր աշխատանքները հրապարակվում են դասարանական-անհատական բլոգներում՝

• Խոսում է իմ տիկնիկը /մեդիապատումների շարք/
• Ես՝ իմ մասին  /ինքնապատումների շարք/
• Իմ ընտանիքը  /ինքնապատումների շարք/
• Իմ անունը  /անվանակոչման ու անվան ծագման պատմություններ/

Տարեդարձ է այսօր

Ինքնուրույն, ընդունակ, ստեղծագործ, ընկերասեր Հրանտ Այդինյան ջան, ծնունդդ շնորհավոր: Ուրախ, անհոգ եղիր, անթիվ ընկերներ ունեցիր, խաղաղ երկնքի տակ ապրիր:

Շնորհավոր տոնդ:

Սիրում ենք քեզ:

Սպասված ու հետաքրքիր օր ճամբարում

Այսօր ճամբարականները օրը սկսեցին մարզվելով, միջավայրը խնամելով, լողափը կարգի բերելով: Համեղ նախաճաշից հետո քայլեցինք դեպի կրթահամալիրի Ագարակ: Մեզ հետ վերցրել էինք ձմերուկի կեղևներ, խնձոր և շաքար՝  ձիերին կերակրելու համար:

Հետո Մայր դպրոցի Տիգրան Հայրապետյան գրադարանում ընթերցեցինք հետաքրքիր, գունազարդ գրքեր: 

Ճամբարում օրվա հերթապահ Անահիտ Խաչատրյանը վարունգով և լոլիկով համեղ աղցան պատրաստեց և ճաշին հյուրասիրեց բոլորիս:

Օրն ավարտեցինք լողափում լոտո խաղալով և մի լա՜վ լողալով: