Համբարձման երգերի փաթեթ

Համբարձման երգերի փաթեթ

Ապրիլ ամսվա գործունեության հաշվետվություն

Առավոտյան ընդհանուր պարապմունք

Աշխատանքային նախագիծ 1, 2, 3, 4

Իրականացրած նախագծեր.

Երևան 2800

Զատկական ծես

Ձոն. տեխնոլոգիական ստուգատես

Աղայան+Ռոդարի

Ուսումնական ճամփորդություն. Ճանաչողական նախագիծ. Արմավիրի մարզ, Էջմիածին

Զրույց Հարություն սարկավագի հետ

Ճամփորդության մասին պատմում են սովորողները

Ուսումնական նյութեր.

Ընտանեկան ռադիոթատրոն. Անահիտ Երեմյան և ընտանիքի անդամներ

Ծառերի էտ. Նարեկ Մանուկյան

Այգում. Մանուկ Կարապետյան

Զատկածեսը Հյուսիսում

Հարցազրույց կրթահամալիրում վերապատրաստվող դասվարների հետ

Քայլք դեպի երկաթգծի հարևանությամբ ջերմոցներ

Մայրիկագովք

Ձոն ստուգատես. Մեր մայրիկների լվացքը

Կրկնազատիկը սուրբ Երրորդություն եկեղեցու բակում

Հորինում են սովորողները.

Ճանապարհ, որը ոչ մի տեղ չէր տանում

Ալիսա-գլորիկ

Սովորողի ընտրությամբ գործունեություն. բանավոր մաթեմատիկա

Ամենշաբաթյա լողի պարապմունքի կազմակերպում Արևմուտքի լողավազանում

Մասնակցություն Գրական ակումբին

Մասնակցություն Մեդիաուրբաթին

Հանդիպում-քննարկում ծնողական համայնքի հետ

Աշխատանքային նախագիծ 02-05.05.2018

Առավոտյան ընդհանուր պարապմունք

Շաբաթվա ունկնդրման նյութեր.

Պ. Ի. Չայկովսկի-Շելկունչիկ

Պ. Ի. Չայկովսկի-Գարնանային մեղեդիներ

Իրականացվող ուսումնական նախագծեր.

Աղայան+Ռոդարի

Մայրենի և լեզվագործունեություն

Շաբաթվա ընթերցանության նյութ.

Ջաննի Ռոդարի. Ցրված տղա Ջովանիի պատմությունը

Ջաննի Ռոդարի. Երկիր, որտեղ բոլոր բառերը սկսվում են «Չ»-ով

Այո՜, Ջովանինո  Անբանը հայտնի ճանապարհորդ էր: Ճամփորդեց նա, ճամփորդեց  և հայտնվեց մի զարմանալի երկրում: Ինչն էր զարմանալի՞: Այստեղ բոլոր բառերը սկսվում էին «Չ»-ով:
_ Սա ի՞նչ երկիր է,-հարցրեց նա մի քաղաքացու, որը հանգստանում էր ծառի տակ: Պատասխանի փոխարեն, այս մարդը գրպանից հանեց գրչահատ դանակը և ուղղակի տվեց  Ջիովանինոյին.
_ Տեսնո՞ւմ ես:
_ Տեսնում եմ: Դանակ է, էլի՛:
_ Ա՛յ սխալվեցիր: Սա Չդանակ է, ավելի ճիշտ՝ դանակ է, որի սկզբում «Չ» է դրված: Սա նրա համար է, որ  մատիտների փշրանքները սրելով դարձնի նոր մատիտներ:  Դպրոցականների համար շա՜տ օգտակար իր է:
_ Հրաշալի՜ է,-հիացած բացականչեց Ջիովանինոն –  ուրիշ ի՞նչ կա:
_ Ուրի՞շ… մենք  Չկախիչ էլ ունենք:

Ջաննի Ռոդարի. Ցրված տղա Ջովանիի պատմությունը

— Մա՛մ, գնում եմ զբոսնելու:
_ Գնա՛, Ջովանի՛, բայց փողոցն անցնելիս զգույշ կլինես:
_ Լա՛վ, մա՛մ: Հաջող:
_ Դու միշտ էլ այնքան թափթփված ես, որ…
_ Հա՛, մա՛մ: Հաջող:
Եվ Ջովանին ուրախ-ուրախ տանից դուրս թռավ:
Սկզբում նա շա՜տ ուշադիր էր: Անընդհատ կանգնում էր, շոշափում էր ինքն իրեն.
_ Ամեն ինչ տեղո՞ւմ է, ոչ մի բան չե՞մ կորցրել,-հարցնում էր ինքն իրեն ու ծիծաղում:
Ջովանին այնքան գոհ էր իր ուշադրությունից, որ ուրախությունից ճնճուղի նման թռվռում էր: Հետո սկսեց ցուցափեղկերը դիտել, մեքենաներին նայել, ամպերին: Պարզ է չէ՞, անախորժություններն սկսվեցին:
Շատ քաղաքավարի մի պարոն թեթև նախատեց նրան.
_ Էս ի՜նչ թափթփված ես դու, ա՛յ տղա: Տե՛ս, մատներդ կորցրել ես:
_ Վա՜յ, ճիշտ որ: Էս ի՜նչ թափթփվածն եմ ես:
Ջովանին սկսեց մատները փնտրել: Բայց մի դատարկ բանկա գտավ: Դատա՞րկ: Տեսնես առաջ  ի՞նչ է եղել դրա մեջ, հո միշտ դատարկ չի՞ եղել… Ջովանին արդեն մոռացել էր, որ ինքն իր մատները պիտի փնտրեր: Հետո արդեն բանկայի մասին էլ մոռացավ, որովհետև մի կաղ շուն տեսավ:
Նա ընկավ շան ետևից, բայց չէր հասցրել մինչև տան ետևը վազել, երբ կորցրեց ձեռքը: Կորցրեց ու չնկատեց էլ: Վազում է իր համար, ոնց որ ոչ  մի բան չի եղել:
Մի բարի մորաքույր կանչում է նրա ետևից.
_ Ջովանի՜, Ջովանի՜: Ձեռքդ կորցրել ես:
Բայց նրա պետքն էլ չէր,  չլսեց:
_ Դե լավ, ոչինչ,-որոշեց բարի տիկինը,-ձեռքը կտանեմ մորը կտամ: Եվ նա գնաց Ջովանիենց տուն:
_ Սինյորա՛, ահա ձեր տղայի ձեռքը:
_ Ա՛յ թափթփվածի մեկը: Չգիտեմ  ինչ անել այդ ցրվածին: Այսպիսի ցրված մարդ կյանքումս չեմ տեսել:
_ Այո, իհարկե: Բայց աշխարհի բոլոր երեխաներն էլ այդպիսին են:
Մի քիչ հետո մի ուրիշ բարի տիկին եկավ:
_ Սինյորա՛, ես ինչ-որ մեկի ոտքն եմ գտել: Կարո՞ղ է սա Ձեր Ջովանիինն է:
_ Իհարկե՝ նրանն է: Ծակ կոշիկից ճանաչեցի: Էս ինչ ցրված տղա ունեմ: Չգիտեմ՝ ինչ անեմ նրան:
_ Այո՛, իհարկե: Բայց աշխարհի բոլոր երեխաներն էլ այդպիսին են:
Մի քիչ էլ ժամանակ անցավ. Ջովանիենց տուն հերթով եկան տարբեր մարդիկ: Մի ծեր տատիկ, բլիթներ բաժանողը, վագոնավար և նույնիսկ մի թոշակառու ուսուցչուհի: Բոլորը Ջովանիի ինչ-որ մասն էին բերում՝ մեկը՝ ոտքը, մեկը՝ ականջը, մեկը՝ քիթը:
_ Աշխարհում իմ տղայի նման ցրված տղա չկա,- հուսահատվում էր մայրը:
_ Իզուր եք հուսհատվում, տիկի՛ն, աշխարհի բոլոր երեխաներն էլ այդպիսին են:
Վերջապես հայտնվեց նաև ինքը՝ Ջովանին ` թռչկոտելով մի ոտքի վրա, բայց ինչպես միշտ ճնճուղի նման ուրախ ու համարձակ: Իսկ մայրիկը միայն գլուխն էր տմբտմբացնում: Հետո նրան հավաքեց-կարգի բերեց և համբուրեց:
_ Ամեն ինչ տեղում է, մա՛մ: Ոչ մի բան չե՞մ կորցրել: Տեսնո՞ւմ ես՝ ինչ տղա եմ:
_ Այո՜, դրանից լավ չի լինում:

Շախմատի ապրիլյան ֆլեշմոբ

Ողջույն, շախմատասեր բարեկամ:

Չենք մոռանում լրացնել այն դաշտերը, որոնք անհրաժեշտ են մասնակցի վերաբերյալ տեղեկություններ ունենալու համար: Աշխատանքն ավարտելուց հետո սեղմում ենք վերջին կապույտ կոճակը:

Հաճելի շախմատային ժամանց ենք մաղթում:

Կրթահամալիրի տեղեկատվական թերթիկների ուսումնասիրում, տարածում

Այսօր երկարացված օրվա ճամբարականներն ընթերցեցին, ուսումնասիրեցին  կրթահամալիրի տեղեկատվական թերթիկի բովանդակությունը, քարտեզի օգնությամբ գտան կրթահամալիրի դպրոց-պարտեզները, իսկ հետո Սուրբ Երրորդություն եկեղեցու  շրջակայքում տեղեկատվական թերթիկները բաժանեցինք: Անցորդները  սիրով ընդունեցին թերթիկները:

Տեսանյութը՝ Սեդա Վիրաբյանի

Մաթեմատիկայի ապրիլյան ֆլեշմոբ

Ձեզ ենք ներկայացնում ապրիլ ամսվա մաթեմատիկական ֆլեշմոբի առաջադրանքները: Հիշեցնում ենք, որ ֆլեշմոբի Հայաստանի մասնակիցների պատասխանները ընդունվում են մինչև ժամը 24:00-ն:

Մաղթում ենք հաճելի և հետաքրքիր ժամանց:

Իմ Արարատ. ուսումնական նախագիծ

Նպատակը` Բացօթյա պլեներ տանիքում. դիտում ենք Արարատը, նկարում, պատմում

Մասնակիցներ` Հյուսիսային դպրոցի 2.2 դասարանցիներ

Իրականացման օրը` 14 մայիսի

Դիտակետ` Հյուսիսային դպրոցի տանիք

 Անհրաժեշտ նյութեր, գործիքներ

• թուղթ
• գուաշ
• վրձին
• գոգնոց
• ջրաման
• յուղամատիտներ
• հեռադիտակ
• մոլբերտ

Արդյունքը` նկարաշար-ցուցադրություն  Իմ Արարատ վերնագրով:

Հեղինակային մանկավարժության հեղինակների ամենամյա մայիսյան 13-րդ հավաք

2018թ. մայիսի 14-18

Ստեղծողի մոբիլ դպրոց։ Ստեղծագործ անհատի կրթական պատվեր, անհատի օժտվածության զարգացման հանրակրթական բաց համակարգ։ Հեղինակային կրթական ծրագիրը՝ ուսումնական օրացույցով, ուսումնական նախագծերով, անհատական թվային միջոցներով

Կազմակերպիչ՝ Երևանի «Մխիթար Սեբաստացի» կրթահամալիր։
Աջակից՝ ՀՀ ԿԳՆ։

Մասնակիցները՝ հեղինակային կրթական ծրագրերի հեղինակներ, հանրակրթական դպրոցների, նախադպրոցական հաստատությունների ղեկավարներ, մանկավարժական աշխատողներ, կրթահամալիրի դպրոցում, ակումբում-խմբում իրականացվող ուսումնական նախագծերի մասնակից մշակութային, հանրային գործիչներ, մտավորականներ, կրթության ոլորտի ղեկավար աշխատողներ, մասնագետներ, սովորողների ծնողներ, այլ շահառու-հետաքրքրվողներ։